Nola lortu edota sortu

Irudi digitalak lortu edota sortzeko era desberdin batzuk erabil daitezke: behin lortuz gero, ordenadorearen bidez editatzeko aukera edukiko dugu;

Irudi digitalak: nondik lortu?

Eskanerra Argaz. Kam CD rom Pantailatik Internet

Marrazki digitalak ere, programa grafiko baten bidez lor ditzakegu baina emaitzak onak izateko marrazkilari ona izan behar da, batez ere saguarekin aritzen bagara.

Eskanerra:

Tresna honen bidez, paperezko irudiak, argazkiak, negatiboak, diapositibak edota objektu opakoak ere, digital formatura pasa daitezke. Tresna hau ordenadore batekin lotu behar da eta irudia digitala bihurtu ondoren aldaketarik egin behar ez badugu, zuzenean inprimatu daiteke, inprimagailua baldin badugu, jakina. Eskanerrek dituzten programek, sortutako irudia disko trinkoan gordetzeko aukera ematen dute, ondoren editatu, cd batera pasa... edo bururatzen zaiguna egiteko.

Argazki kamera digitala:

Hau da erarik errazena irudi digitalak lortzeko. Makina berak irudiak gordetzeko txartel berezi bat izaten du, diskete handi bat izango balitz bezala; Txartel horien formatu (markak) eta kapazitate desberdinak izaten dira (16, 32, 12MB). Ezagunen artean SmartMedia eta Compac Flash ditugu. Argazkiak inprimatu besterik egin behar ez badugu, zuzenean argazki kamerako txarteletik edozein argazki dendatan egin daiteke, edota garai honetan ere, kamera inprimagailu berezi batzuekin lotu eta kito. Argazki horiek ordenadorera pasatzeko era desberdinetan egin dezakegu:

§ Argazki kamera, kable baten bidez, ordenadorearekin lotu

§ Txartel irakurle baten bidez

§ Argazki dendetan cd batean kopiatu ; ondoren ordenadoreko cd unitatetik disko trinkora pasa.

CD rom

Zenbait irudi bilduma cd formatuetan saltzen dira edota argazki

kamera arrunt batetik argazki dendetan cd batera pasatzeko

aukera ematen dute.

Pantailatik

Ordenadoreko pantailan ikusten dena irudi digitalaren formatuan gorde daiteke. Horretarako teklatuan agertzen den “Impr Paint” tekla sakatuz gero, irudiak editatzeko edozein programetan txerta daiteke; gero nahi dugun irudi formatuan gordeko dugu.

Pantailaren zatiren bat behar badugu, programa batzuk daude zati hori irudi digitala bihurtzeko. Oso ezaguna dena “Print Key” programa da

Internetetik

Orokorrean, interneten erabiltzen diren irudiak, erraz eta arazorik gabe kopiatzen dira (copyright ez ba dute behintzat). Ikusten dugun irudiaren gainean saguaren eskuineko botoia sakatuz gero, “Guardar imagen como” aukeratu eta guk nahi dugun tokian (“Mis documentos” barruan adibidez) gordetzeko aukera emango digu. Ondoren editatzeko programa batekin ireki dezakegu.

Ariketak:

Internetetik irudiak kopiatu.

Internetetik irudi bat kopiatu eta gure karpetan gorde ondoren Photo editor programarekin irekiko dugu.

• “Explorer” programa aktibatu
• Googlearen web gunean sartu, helbide atazan hau idatziz: www.google.es.

• “Impresora” edota nahi duzun hitza idatzi
• “Imagenes” sakatu
• “Busqueda en Google” aukeratu

• Gure gustuko irudiaren gainean eskuineko botoia sakatu eta “Guardar imagen como” aukeratu ondoren leiho bat bistaratuko da, guk nahi dugun ordenadoreko karpetan gordetzeko.

Esanguratsua den izena idatziko dugu eta “Tipo” jartzen duen tokian proposatzen duena utziko dugu, kasu honetan JPEG

• Mi PC edota Windows esploratzailearen bidez, irudia bilatuko dugu ea ondo gorde dugun begiratzeko. Bere gainean klik egin ondoren Photo Editor programa aktibatuko da eta irudia bistaratu egingo dugu.

Era honetan edozein web gunetatik berdin egin daiteke.

Ordenadoreko pantaila irudi digitala bihurtu

Ordenadoreko pantaila osoa kopiatu ondoren Photo Editor programan txertatu eta gordeko dugu.

• Teklatuaren tekla hau sakatuko dugu: “Impr Pant”
• “Photo Editor” programa aktibatuko dugu: Inicio / Programas / Herramientas de Microsoft Office / Photo Editor aukeratu.

• “Archivo / Pegar como imagen nueva” sakatu ondoren, irudia bistaratuko dugu
• “Archivo / Guardar como” aukeratu eta gero agertzen den leihoan nahi dugun karpeta bilatu eta esanguratsua den izena jarriko dugu
• “Tipo” jartzen duen tokian JPEG aukeratuko dugu.

• Photo Editor programa itzaliko dugu.

• Mi PC edota Windows esploratzailearen bidez, irudia bilatuko dugu ea ondo gorde dugun begiratzeko. Bere gainean klik egin ondoren Photo Editor programa aktibatuko da eta irudia bistaratu egingo dugu.