Irudi baten tamaina aldatu

Irudiak erabileraren arabera tamaina desberdina eduki beharko du. Inprimatzeko bada, kalitate handia: erresoluzio eta pixel asko eta interneterako, ordea, pisu txikia edukitzea da komeni zaiguna: erresoluzio eta pixel gutxiago.

Irudi bati erresoluzioa jaisten badiogu, ezin zaio berriro igo; pixelak galtzen ditu eta berriro ezin dira berreskuratu.

Argazki kamera digital batekin lortutako irudi bat kalitate handikoa izaten da. Horrela, ezer egin gabe, ezin da posta elektronikoaren bidez bidali, kalitatea jaitsi beharko diogu eta. Hau egiteko:

o “Fichero / Abre” / behar dugun argazkia bilatu eta irekiko dugu.

o “Imagen / Redimensiona” / nahi ditugun neurriak idatzi eta “Sí” sakatu

Hasierako neurriak 2560 x 1920 ziren eta aldaketa egin ondoren 500 x 375, kasu honetan pixelak, baina zentimetroak edo hazbeteak ere aukeratu ditzakegu. Laukiaren eskuin aldean beste aukera batzuk ditugu: erdia, 640 x 400 h eta abar.

o Gero argazki berria gorde egin beharko dugu: “Fichero / Guardar edo Guardar como”

Hasierako izena aldatu beharko diogu zaharra ez zapaltzeko. Fitxategia JPG formatutakoa zenez era berean gordetzen saiatuko da IrfanView, beste formatu batez gordetzeko “tipo” izenekoan beste bat aukeratu.

JPG formatuan gordetzen badugu, eskuineko aldean agertuko zaigun laukian irudiaren kalitatearen maila aukera dezakegu, gogoratu zenbat eta kalitate handiagoa hainbat eta pisu gehiago izango dugula. Pisu txikiagoa lortzen da irudiaren fitxategia konprimitzen delako kalitatea galduz. Batzuetan galera hori ez da gehiegi nabaritzen eta adibidez, web orrialde batean erabiltzeko oso komenigarria da ahalik eta pisu gutxien izan dezan lehen ikusi dugun bezala.

	Tamaina	Pisua	Kalitatea / Konpresioa
Hasierako irudia	2560 x 1920	2.68 MB	100
	500 x 375	58 Kb	80
	500 x 375	44 Kb	60
	500 x 375	38 Kb	40

Ariketak:

Irudiaren tamaina aldatu eta jpg formatuan gorde

Kalitate handiko argazki bat posta elektronikoaren bidez bidaltzeko asmoz, kalitatea jaitsiko diogu.

• Irfanview programa aktibatu.
• Irudia ireki: “Fichero / Abre” behar dugun argazkia bilatu eta irekiko dugu.

• “Imagen / Redimensiona” aukeratu.

• Zabaleran 500 pixel jarri eta “Sí” sakatuko dugu
• “Fichero /Guarda como” sakatzen dugunean, leiho txikian jartzen duen konpresioa 40 edo 20 aukeratuko dugu
• Mi PC edo esploratzailearen bidez, aurreneko eta azkeneko pisuak konparatu.
• Postaren bidez bidali.