Formatuak.

Irudiak formato ezberdinetakoak izan daitezke. Gainerako fitxategiekin gertatzen den bezala bakoitza bere luzapenaren bitartez ezagutzen da, hau da, bmp, jpg, gif, png, tiff eta abar.

Ikastaro honetan hiru formato aztertuko ditugu: bmp, jpeg o jpg eta gif izenekoak.

BMP. (Bits-eko mapa) Hau irudi nahiz marrazkietarako erabil daiteke. Paint programarekin asko erabiltzen da.

• Koloreak milioika ager daitezke.
• PC guztietan ikus daiteke.
• Irudiak kalitatezkoak dira eta azkar irakurtzen dira.
• Fitxategiak pisudunak dira eta ezin dira inolaz ere konprimitu beste formatu batera pasa gabe.
• Web guneetan ez da erabiltzen.

JPEG edo JPG. (Join Photographics Expert Group). Argazkietarako gehien erabiltzen denetariko bat. Irudi baten pisua konpresioaren bitartez gutxitu daiteke kalitatea galduz. Gehiegi konprimitzen ez bada galera hori ez da nabarmen izaten. Hamarreko bat arte konprimitu daiteke irudia.

• 16 miloi kolorekin lan egiten du.
• Ez du gardentasunik ezta animaziorik ere.
• Irudi pisudun bat oso fitxategi txikian gorde daiteke.
• Ordenagailuaren diskoaren edukiera optimizatzeko egokia.
• Web orrialdeetan asko erabiltzen da bere pisua edo tamainengatik.
• Irudia gordetzen dugun bakoitzean kalitatearen parte bat betirako galtzen da

GIF. (Graphics Interchage Format) Jpg formatoarekin batera gehien erabiltzen dena. Marrazkietarako oso egokia bere pisu txikiarengatik.

• Gehienez 256 kolore izan dezake.
• Txuri-beltzez egindako marradun marrazkietarako oso egokia.
• Kolore lauetarako ona.
• Diskoan gutxi betetzen du.
• Web orrialdeetan asko erabiltzen da.
• Animazioetarako balio du, baina hauek Internetetik kanpo ikusi ahal izateko programa bereziak behar dira (IrfanView, PhotoShop eta abar).

Hurrengo taulan, adibide gisa, hiru formato hauen pisu ezberdinak ikus ditzakegu eta JPG formatuaren kasuan konpresio maila ezberdinekin:

Tamaina	Formatua	Pisua	Konpresio maila
2272 x 1204	BMP	11.343 Kb	-
2272 x 1204	GIF	1.961 Kb	-
2272 x 1204	JPG	1.115 Kb	100
2272 x 1204	JPG	546 Kb	80
2272 x 1204	JPG	351 Kb	60
2272 x 1204	JPG	262 Kb	40
2272 x 1204	JPG	171 Kb	20

Gogoratu, zenbat eta konpresio maila handiagoa, hainbat eta pisu eta kalitate gutxiago.

Ariketa:

Irudi baten formatua aldatu

BMP luzapena duen irudi bat, gif formatura pasako dugu.

• Paint programa aktibatu “Inicio / Programas / Accesorios / Paint”
• Ariketak karpetatik “aurpegia.bmp” irudia irekiko dugu: “Archivo / Abrir” bistaratzen duen leihoan Ariketak karpeta bilatu.
• Orain gif formatuan gordeko dugu: “Archivo / Guardar como” sakatuz gero leiho hau bistaratuko da:

• “Tipo” jartzen duen tokian (gif) aukeratuko dugu. Izen berdina eta karpeta berdinean gordeko dugu. “Guardar” sakatu eta programa itxi egingo dugu.

• Mi PC edota Windows esploratzailearen bidez, “Ariketak” karpetan “aurpegia” irudien pisuak konparatu egingo ditugu.
• Irudien kalitatea konparatuko dugu, Photo Editor programarekin biak irekitzen baditugu.