Diapositiben bisorea

IrfanView programak duen bisore hau oso interesgarria da irudi edo argazkien aurkezpenak egiteko ordenagailuan pantaila osora eta Nerorako “plugin” edo osagarria instalatuta izanik egindako aurkezpena, auto-abioa duen CD-ROM batean grabatzeko.

“Fichero / Rueda de imágenes” irekiko dugu eta beheko pantaila agertuko zaigu. Bertan aurkezpenean sartu nahi ditugun argazkiak bilatuko ditugu “Buscar en” jartzen duen tokian

“Añade” botoia sakatuz, banan-banan sartuko ditugu edo “Añade todo” aukeratuz gero, karpetan dauden guztiak. Aukeraketa egin ondoren aurkezpenaren zenbait aldagai ezar dezakegu:

o “Empieza en” kasilan hasierako argazkiaren zenbakia jar dezakegu

o “Sube” “Baja” botoiekin argazkiak gure erara antola dezakegu.

o “Opciones avanzadas” botoiarekin izena, data, tamaina edo fitxategi motaren arabera antola dezakegu aurkezpena.

Argazkien agerpena automatikoki jar dezakegu denbora mugatuz, printzipioz 5 segundoko dago, edo eskuz (manualki) sagua edo teklatua sakatzen dugunean; hau eskuineko menuaren bitartez egiten da. Musika jarri nahi badugu mp3 formatuko fitxategia egindako aukeraketan lehena jarriko dugu argazkiak pasatzen diren bitartean entzun dadin.

o “Bucle” aukerarekin eten gabe egongo da aurkezpena guk gelditu arte

Aurkezpena ikusteko, besterik gabe, “Acción” aukeratuko dugu. Programara bueltatzeko “esc” tekla sakatuko dugu eta berriro “Fichero / Rueda de imágenes”.

Egindako argazkien “gurpila” edo aurkezkena, forma ezberdinetan gorde daiteke:

o “Guarda como fichero EXE/SCR” botoia sakatuz. Aukera honek argazkiak eta musika badago EXE fitxategi batean sartuko ditu. Fitxategiaren izena eta honen kokapena aukeratu beharko dugu. SCR aukerarekin “salvapantallas” moduan gordeko digu.

o Edo CD batean.

Aukera hauetarako Nero Burning programa ordenagailuan instalatuta egon beharko da eta IrfanView programarako Nero plugina edo osagarria. “Graba en CD” botoiarekin egingo dugu, bi aukera emango digu: Datuen CDa sortzeko, bertan irudiak eta IrfanView programa egongo da edo Bideo VCDa sortzeko DVD irakurle batez ikusteko. Bi kasuetan agertuko zaizkigun pantailetan zenbait aukera eskainiko zaigu: Diskoaren izena, grabaketaren abiadura, disko birgrabagarria bada borratze automatikoa eta abar.

Ariketak:

Bisorea frogatu eta aurkezpena “.exe” luzapenarekin gorde

Argazki bilduma bat, diapositibak izango balira bezala ikusiko dugu eta aurkezpen hori cd batean gordeko dugu, berriro automatikoki bistaratzeko.

• Irfanview programa aktibatu.
• “Fichero / Rueda de imágenes” aukeratu.
• Nahi dugun argazki karpeta bilatuko dugu “Buscar en” leihoaren bidez.
• “Añade” edo “Añade todo” botoiekin gure gustuko argazkiak aukeratuko ditugu.
• Aurkezpena bistaratzeko “Accion” sakatuko dugu.
• Programara bueltatuko gara “Esc” tekla sakatuz eta berriro “Fichero / Rueda de imágenes” aukeratu.
• Orain aurkezpena exekutable den moduan gordeko dugu: “Guarda como fitxero exe/src”.
• Nahi dugun izena eta lekuan gordeko dugu.
• Gorde dugun lekura joan eta “.exe” fitxategia aktibatu.